| Me$hmEsH's profileShiMAa ♫♪PhotosBlogLists |  Tools  Help |
كسل وانتخهكسوله قوي انا اليوميين دول  اليومين دول بس يا شيماء؟؟احم  مشوهاا اليومين دولبس والله انا مش عارفه السبب الفكره كلها اني بقيت فعلا مبعرفش انام بليل خالص غير ساعتين تلاته بالكتير وباقي الوقت بنامه الصبح يعني لو نمت مثلا الساعه اتنين بليل اصحي 5 او 6 بالكتيير وافضل قاعده لحد 12 الضهر وبعدين انام لحد الساعه 5 او 6 بعد الضهر ولما ببقي صاحيه الصبح بحس اني تعبانه ومش قادره انزل مش بقلكو كسل وانتخه متخدوش في بالكو دي هلوسه واحده كسوله March 16 Who Moved My Cheese (part2)لا مؤخداا يا جماعه اتاخرت شويه بس مشغولياتي كتيير قوي قوي سنيما ونوم وتجهيز لرحله اسكندريه 
بتعب واللهالمهم نكمل القصه احنا وصلنا لحد ما سنيف وسكاري دخلو تاني المتاهه المهم هيم وهاو فضلو جوا السكشن دا ياكلو في الجبنه وهما مش ملاحظين اي حاجه خالص غير انهم مرتاحين وبيصحو متاخر وبياكلو الجبنه ودا كل حياتهم لحد ما في يوم لاقو الجبنه دي خلصت يبصو يمين يبصو شمال مفيش ولا اي فتفوته راحت فين الجبنه مين اخدهاا وقعدو يعيطو ويقولو دا ظلم وحرام مين اخدهاا وقعدو يقولو WHO MOVED MY CHEESE? 
المهم قعدو علي الحاله دي كام يوم وطبعا هيموتو من الجوع لكن مش قادريين ينزلو المتاهه تاني لانهم اتعودو علي الكسل والراحه اه صحيح امال فين سنيف وسكاري ؟؟ دا سؤال سالوه لنفسهم قعدو كده كام يوم وبداء هاو يفكر ان كده غلط وان هما لازم يخرجو للمتاهه ويبتدو يدورو علي الجبنه ويرجعو زي ما كانو طبعاا قال الكلام دا لهيم لكن هيم رفض وكانت اسباب رفضه ايه بقي 1 - انه ميضمنيش يلاقو جبنه تاني في المتاهه 2- ان بقي كبير في السن ومش حمل لف وتدوير في المتاهه 3- انه خايف يتوه عن السكشن دا المهم هاو فضل يحاول كتيير مع هيم لكن هيم رفض رفض قاطع فا راح هاو لابس كوتشي الجري وخرج للمتاهه وفضل يدور فيها علي جبنه زي زمان وهوا بيفكر ان ازاي ضيع كل الوقت دا وان كسله دا ملوش اي فايده وان كان غلط انه استسلم للكسل ولا اغراء ان الجبنه كتيره موجوده ومفكرش في المستقبل ان الجبنه دي ممكن تخلص وبداء يحس ان اتغير واكتسب خبره وانه كان لابد من التغيير وانه اتاخر صحيح لكن هوا اتغير 
وقعد يفكر في هيم ويقول ياتري هوا عامل اييهلحد ما وهو ا وسط المتاهه لاقي سكشن كبييييييير جدا اكبر من السكشن اللي فات وفيه كميه لا نهائيه من الجبنه ولاقي ايه كمان 
لاقي سنيف وسكاري ورحبو بيه ترحيب كبيوكده الحكايه خلصت مؤلف القصه دي اسمه SPENCER JOHNSON والراجل دا يعتبر هوا رائد عليم التغيير في الحياه علي الرغم من بساطه شخصيات القصه وبساطه اهدفهم في الحياه الا ان كل واحد فينااا ممكن يبقي سنيف او سكاري او هاو او هيم او مزيج منهم هما الاربعه اما التحليل النفسي للاربع شخصيات فهو 1 سنيف هوا بيلاحظ التغيرات بسهوله وبيشم ريحه التغيير بسهوله وبينفزو بسرعه 2 سكاري هوا شخص بيرمي نفسه في المتاهه ويجرب ويتخبط في الحيطه ويرجع يجرب تاني وهكذا دواليك 3 هاو بيفكر كتيير قبل التغير وبيحس بيه متاخر الا انه بيلحق يالتغير دا في اخر لحظه 4 هيم بيرفض التغيير وبيتمسك بي مبادئه دي القصه بكل جوانبهاا وانا اسفه ان كنت ضايقتكو بيهاا بس هيا عجبتني وانا فعلا طلعت منهاا بدروس كتيره يمكن كمان مع الطريقه اللي انا سمعتهاا بيهاا فرقت معايا تصبحو علي خيير بقي يا حلويين نكلم بكره بقي 
 March 14 who moved my cheese?? who moved my cheese?? قصه قعدت اسمع فيهاا لمده يوميين متاليين وهياا بكل بساطه بتحكي عن اربع شخصيات فارين واتنين بني ادميين the mice sniff & scurry the person's Hem & Haw بكل اختصار هما اربعه عايشين مع بعض في متاهه كل حياتهم عباره عن البحث عن الجبنه في المتاهه دي ودا روتيين حياتهم كل يوم الصبح يصحو يلبسو كوتشيات الجري ويجرو يدورو علي الجبنه في المتاهه دي لحد ما في مره لاقو جبنه كتيييييييييييييييييييييره جداا في مكان اسمه section "C" وخلاص بقي ارتاحو جوا السكشن دا وقاعدو ياكلو الجبنه لفتره بعد فتره بداء الفارين يحسو بان الجبنه بدائت تقل وحاسو انهاا خلاص مش هيبقي في جبنه تاني هناا فا بسرعه لبسو كوتشيات الجري واطلعو تاني للمتاهه to be contnue  March 07 اسكندريه اجدع ناسرايحين رايحين علي اسكندريه هنلعب هنلعب في اسكندريه ونشوف البحر ونزور المرسي ابو العباس وناخد شويه كرامات وعلي راي داليداا ادينا بندردش ورانا اييه بنحكي ونفرفش ورانا اييه مورناش اي حااااااااااااااااجه خالص اعملو حسابكو بقي تخطيط وتجهيز نظام البلد علشان نعلن عنهاا رسمي مش هينفع كده يا بنات اتاخرناا قوييييييي  وهاتو البت خضراا لانهاا ناويه تدخل السجن الحربي بتهمه الخيانه العظمي لبلدنا الحبيبه بدل البنات March 02 under constructionتحت الانشاء هههههه هوا ايه اللي تحت الانشاء الاسبيس اصلنا بنطورهاا علشان ندخلها عصر جديد عصر ايه مش عارفه بصراحه بس اهو ندهلاا عصر جديد وخلاص اشمعناا احنا يعني يومين كده بس ويكون اتزبط باذن الله وندخل عصر جديييييييييد ونبداء فصل جديد من فصول الكفااااااح في بلد البنات وفي المانيااا اييه الحاجات دي مش مهم بقي بعديين انا عاوزه انام January 31 لاا للدنمارك ولا لكل اعداء الاسلاامhttp://www.no4denmark.com/ar/ فلنتكاتف اصدقائي معااا وضد اعدائنا ولندافع عن حبيبناااا صلي الله عليه وسلم ان ينصركم الله فلا غالب لكم صدق الله العظيم November 15 ارجوزأراجوز .. أراجوز .. إنما فنان فنان .. أيوه .. إنما أراجوز و يجوز يا زمان أنا كنت زمان غاوي الأرجزة طياري .. يجوز إنما لما الكيف بقى إدمان باجي أبص لشيء واحد أرى .. جوز أرى إيه؟ أرى إيه؟ أرى أرى أراجوز *** فلسان .. كحيان .. أيوه أنا فلسان إنما برضك .. راجل إنسان بأضرب بالألف لسان و لسان و باكلها بعرقي .. و مش إحسان راجل و الرجولية لا عضلات و لا ألابندة و سيما و حركات الرجولية الحقيقية ثبات قدام جبونية أي جبان **** أراجوز أنا و أحمي أرى أرى إيه؟ أحمي قراريط الناس من مين؟ من الناس الأرى أرى إيه أرى إيه؟ من الناس القراميط الملاعين ماهو أصل أنا مش من الأرى أرى إيه مش من القراطيس و لو الحال مال مقعدش أنا على أرى إيه أرى إيه؟ .. قرافيصي و أطنش ع الأندال لازم أشك الأندال مهموز و أدوس ع اللي افترى و العنطوز م أنا أرى إيه أرى إيه؟؟ أرى أرى أراجوز **** أراجوز .. و شجيع .. و الدنيا ميدان فارس .. حارس .. واقف ددبان و إذا بان للشر نيبان و زبان باحمي الغلبانة و الغلبان و شجاعتي ماهياش في الطاخ طيخ دي شجاعة تفكير و تماخيخ الأرض أضربها تجيب بطيخ بذكاوتي و أخللي الخلا بستان **** أراجوز أنا .. و الدنيا أرى إيه؟ قرشانة و احنا شبر شبيط ياما قرمتني و أرى أرى إيه؟ قرصتني ف لباليبي و أنا كبير فسرحت أنفخ أرى إيه أرى إيه؟ أراغيلها و أغني يا ليلي يا عين و أتمسخر على أرى إيه أرى إيه؟ أراذلها الفجرة الطماعين و أضَّحَك كل صبي و عجوز ع اللي بيتنطط فرقع لوز مانا أرى أرى إيه؟ أرى أرى أراجوز **** أراجوز .. و سايقها هبل في جنان و أنا قلبي .. ملان جدعنة و حنان و أبان ساهي سهتان سهيان إنما عقلي للعدل .. ميزان أنا فلتة .. إنما مش فلتان و ساعات حرنان .. و ساعات زنَّان يمكن علشان وحداني .. ما ليش أراجوزة تاخدني بالأحضان **** أراجوز أنا .. و أقدر أرى أرى إيه؟ أراعيكي و أشيلك في عيوني و إذا مرة زعلتي أرى أرى إيه؟ أراضيكي بعقلي .. و بجنوني حُطِّي من السما على أرى أرى إيه؟ أراضيّه و اسلِّم لِك أمري و كُلِي معايا في أرى إيه أرى إيه؟ قروانتي يا كروانة عمري و بَدَل مانا كده ملوي الَبَزبوز أصبح لك جوز معزوز محظوظ إيه يا ترى إيه؟ أرى أرى أراجوز أرى إيه؟ أرى إيه؟ أرى أرى أراجوز
كلمات سيد حجاب الحان عمار الشريعي اداء عمر الشريف October 06 اغانيحبيبتي
حبيبتي من ضفايرها طل القمر
ومن شفايفها ندي الورد بان
ضحكتها بتهزر الشحر والحجر
وحنانها بيصحي الحياه في الندي
حبيبتي بتعلمني احب الحياه
من حبي فيها حياتي شمس وربيع
دا الحب في الدنيا دي طوق النجاه
لولاه يضيع قلبي المحب الوديع
يا حلوه يابلدي يا نيل سلسبيل
في حبك انتي رفعنا رسنا لفوق
لو الزمن ميل ما يرهبنا ليل
شوقنا في عيونا يصحي شمي الشموس
للحلوه قلب كبير يضم الولاد
وزاد وزواده وضله وسبيل
ونموت ونسقي الشارد عشنها بلادي
وكلنا عشاق ترابها النبيييييل
كلمات سيد حجاب
الحان عمار الشريعي
غناء عمار الشريعي وهدي عمار
سكه السلامه 2000
اطلعي بقي من سكاتك ياللي ساكته من سنين
وارفعي بايدك رياتك مهما كانو منكسين
مستحيل النيل هيجري عكس مجراه الاساسي
من هنا سكه سلامتك صحصحي العقل اللي ناسي
الخطر بيزيد بصمتك
التاريخ دايما في صفك
والفنون بستان في قصرك
ابعدي الخوف اللي حاوطك
صحصحي العقل اللي ناسي
انتي باب الشمس ونجوم الاماسي
انتي نبع الفجر ونشيدي الحماسي
ياللي زارعه الفن دايما تحت شبابيك الغلابه
ياللي غازله من تاريخك شال محبه وانسانيه
ادبحي الخوف اللي فيا
اكسري لحن الرتابه
واعزفي لحنك هديه
ماانتي طول عمرك قويه
افردي دراعك وضمي لمي كل الخلق لمي
انهضي وقومي وهمي واطلعي بقي من سكاتك وارفعي يايديك رياتك
من هنا سكه سلامتك الخطر بيزيد بصمتك
انفضي الخوف الي حاوطك
واكسري الحاجز وفوتي
واخرجي ضد اللي خانك
وادهسي الخاين بهامتك
افردي دراعك وضمي لمي كل الخلق لمي
انهضي وقومي وهمي واطلعي بقي من سكاتك
وارفعي بايدك رياتك
من هنا سكه سلامه
من هنا سكه ندامه
والسكك مليانه ياما بالديابه والخواجه
والئيم ابو نجمه زرقه فاكر ان الارض لعبه
والئيم ابو نجمه زرقه فاكر ان الارض لعبه
ارضنا شرف العروسه والعروبه شرفها غالي
ارضنا شرف العروسه والعروبه شرفها غالي
اغلي من العالم بحالو
اطلعي بقي من سكاتك
وارفعي بايدك رياتك
من هنا سكه سلامتك
الخطر بيزيد بصمتك
نوري العالم بشمسك
واهزمي بالفن صمتك
تحرس الحريه ارضك
تطلع الاجيال عفيه
اطلعي بقي من سكاتك
وارفعي بايدك رياتك
من هنا سكه سلامتك
من هنا سكه سلامتك
من هنا سكه سلامتك
اغنيه مسلسل علي الزيبق
المقدمه
قصر السلطان عالي البنيان
النهايه
حكموكي ما حكموكي
كلمات عبد الرحمن الابنودي الحان رضا رجب غناء المجموعه
مطر
مطرررررررررررررررر وعصفور ارتعش
مطررررررررررررر وعصفور ارتعش
وبين اديكي الطيبه طلب الامان
ايوا بحبك اه بحبك من زمان
يا صاحبه القلب الرقيق
خبيني من مطر الطريق
عصفور انا طردوني من كل الشجر
خدني في عش الحياه
ونشفي بشعرك جناحي من المطر
لييييييييل بعد ليييييييييييييييل ونجم ورا نجم اتحدف
وانا بغني لكن لوحدي للاسف
ليييييييل بعد ليييييييييييل ونجم ورا نجم اتحدف
وانا بغني لكن لوحدي للاسف
لحني الجميل مش لاقي انسان يسمعو
لحني الجميل مش لاقي انسان يسمعو
لحني الجميل مش لاقي انسان يسمعو
لحني الجميل مش لاقي انسان يسمعو
ياريته مااتغني يا ريته ما اتعزف
ياريته ما اتغني يا ريته ما اتعزف
ازاي اغني للربيع تحت المطر
مطر وعصفور ارتعش
وبين اديكي الطيبه طلب الامان
ايوا بحبك اه بحبك من زمان
يا صاحبه القلب الرقيق خبيني من مطر الطريق
عصفور انا عصفور انا طردوني من كل الشجر
خديني في عش الحياه
خدني في عش الحياه
ونشفي بشعرك جناحي من المطر
صلاح جاهيين
ساره
كان يا ماكان
كان في عصفور
قلبه صغير
ريشه قصير
حلمه يرفرف بره السور
كان انسان منطين من نور
كان بيدور ع اللي يخضر
قلب الناس القاسي البور
كان يا ماكان قلب الحدوته رق وحن
علي البنوته في زمن اتجن
زمن الناس في قلوبها وحوش
زمن الغاب والناب ووشوش
تحزن عش وتضحك زور
كان ياماكان احلام بضفاير قلب وبس
ذنبها ايه لو قلبها طاير حب وحس
بنوته في حدوته تنام
وبتجري وراها الايام
هيا وكل بنات الحور
النهايه
وبنحبك يا دنيا بجد
ومهما تعملي فينا
بنصحي بشوق يفوق الحد
ونحضن بكره بادينا
و اه من بكره وعمايله
واه م اللي الزمن شايله
واه من حلم عالي لفوق
ولسه اكف مش طايله
يا دنيا دبت انا فيكي
وتوهتيني في عنيكي
اموت لو عشت من غيرك
واعيش لما اموت فيكي
يا ارض الخوف يا لمانا
امانه تسيبي جوانا
براءه طفل كان عايز يشوف الصبح ويانا
وجنب الشوك يعيش الورد
يرجع قلبنا لينا
وبعد التوهه جزر ومد
نلاقي نفسنا لينا
كلمات خميس عز العرب
الحان ياسر عبد الرحمن
غناء نهال نبيل October 01 اعتذار واجبااااااااااااااااااااااااااااه بقالي زمن مجتش هنا ولا كتبت قصيده جديده من قصائد نجم ولا حتي رباعيه للعبقري الراحل صلاح جاهيين
بس كان غصب عني
بعد انتهاء مشروع التخرج في يوم 26-7-2005 كنت غايه في التعب ومن بعدو باسبوع تقريبا بدائت الكورسات الصيفيه في الكليه واللي انتهت يوم الاربعاء 28-9-2005
ودا اخر يوم ليا في التعليم واول يوم ليا في الحياه العمليه
مش عارفه هعمل ايه لسه لكن انا عاوزه ابقي شخص مفيد في مجتمعي
هاخد اجازه وارتاح فتره من الزمن لاني قمه في الارهاق والتعب البدني والذهني والنفسي
ساحاول تصفيه ذهني وعقلي وروحي من كل ما علق بها في تلك الفتره
فادعو لي وان كنت قد اساءت او قصرت في حق اي شخص من اصدقائي فارجوكو جميعا ان تسامحوني
 July 12 علي اسم مصرالنخل في العالي والنيل ماشي طوالي معكوسة فيه الصـور .. مقلوبة وانا مالي يا ولاد أنا ف حالي زي النقش في العواميد زي الهلال اللي فوق مدنة بنوها عبيد وزي باقي العبيد باجري على عيالي باجري وخطوي وئيد من تقل أحمالي محنيه قامتي .. وهامتي كأن فيها حديد وعينيا رمل العريش فيها وملح رشيد لكني بافتحها زي اللي اتولدت من جديد على اسم مصر مصر .. التلات أحرف الساكنة اللي شاحنة ضجيج زوم الهوا وطقش موج البحر لما يهيج وعجيج حوافر خيول بتجر زغروطة حزمة نغم صعب داخلة مسامعي مقروطة في مسامي مضغوطه مع دمي لها تعاريج ترع وقنوات سقت من جسمي كل نسيج وجميع خيوط النسيج على نبرة مربوطة اسمعها مهموسة والا اسمعها مشخوطه شبكة رادار قلبي جوه ضلوعي مضبوطة على اسم مصر وترن من تاني نفس النبرة في وداني ومؤشر الفرحة يتحرك في وجداني وأغاني واحشاني باتذكرها ما لهاش عد فيه شيء حصل أو بيحصل أوح يحصل جد أو ربما الأمر حالة وجد واخداني انا اللي ياما الهوى جابني ووداني وكلام على لساني جاني لابد اقوله لحد القمح ليه إسمه قمح اليوم وأمس وغد ومصر يحرم عليها .. والجدال يشتد على اسم مصر ولما زماني رماني عليل نسيت كل شيء عن حبيبي الجميل لكن هو أبداً انا مانساهوش نسيت مشيته وصوته كان شكله إيه ورسمة شفايفه ولمسة إيديه نسيت نظراته نسيت لون عينيه وقوس الحواجب وسهم الرموش لكن هو أبداً انا ما انساهوش نسيت إسمه وحكايته وعرفته فين وعشنا سوى العمر والا يومين وكان م البشر والا طير بجناحين نسيت حتى كان له وجود أو مالوش لكين هو أبداً أنا ما انساهوش قطعوا الأغاني وطارت نشرة الأخبار دارت على كل دار في الكوكب الدوار يا حاضرين اعلموا الغايبين بأنه في مصر اتغير الاسم منذ الآن فأصبح .. مصر ضحك التاريخ ضحكته المشهور بها واندار ودخل مناقشة مع الجغرافيا عما صار هل نعترف بالبيان اللي أذيع العصر أم ننتظر مصر تطرد اسرائيل بالقسر وساعتها تحصل بكل جدارة يوم النصر على اسم مصر على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب على اسم مصر مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت على اسم مصر مصر السما الفزدقي وعصافير معدية والقلة مملية ع الشباك .. مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال على اسم مصر رحـيـلاً رحـيـلاً بغيـر هـوادة رحـيلاً فإن الـرحـيل سعـادة عبادة إرادة سيادة ولادة رحـيـلا .. إلى أين لـيس يـهـم ولـيس يـهـم بأي وسيـلة .. أجيـراً بلقمـتـه في البـواخـر .. عـلى واحـد من جيـاد القبيلة .. على مقعـد في ذرى الجـو فـاخـر وتمـلأ الكـأس بنت جمـيلة .. على قدمي .. أو بفكري .. أهاجر أبادر أغادر أخاطر أسافر ولـكـن إلى أيـن .. لـيس يـهـم إلى حيث لا تعبـر الأفـق شمس إلى القـطب .. أو حلقة الاستواء .. إلى حـيث يـسمـع لـلجـن همس إلى بـاطـن الأرض أو في الـفضـاء إلى مـرفـأ الغـد .. أو أرض أمس أرى كل شيء ومن أين جاء وافعل ما قاله القدماء من الفقراء أو الحكماء أو الأمراء أو الأشقياء أو البلهاء فليس يهم لقد قيل وهو الكلام المهم اللي يعيش ياما يشوف واللي يمشي يشوف اكتر شفت الجبرتي بحرافيش الحسين وبولاق بان البلد ماشي زي النمس في الأسواق بالفلاحين ع المداخل من بعيد وقريب بالأرنؤوط بالشراكسة بكل صنف عجيب مترصصين سور رهيب مزراق في ريح مزراق كأنهم لا بشـر ولا خلقـة الخـلاق ومصر فلاحة تزرق بين رقيب ورقيب من غير أبو الهول ما ينهض ناهضة شايله حليب والصبح بدري الجبرتي ينام وقلمه يسيب على اسم مصر مصر اللي عمر الجبرتي لم عرف لها عمر وطلع لقاها مكان مليان عوام وزعر جعيدية غوغاء يجيبوا تملي وجع الراس وخليط أفارقه هنادوة روم ملل أجناس والترك في القلعة والمماليك خدودهم حمر كان عمرها ستلاف سنة .. كلها سنين خضر بس الزمان يختلف زي اختلاف الناس ناس تبني مجد وحضارة وناس بلا احساس وناس تنام لما يزحف موكب الأحداث على اسم مصر أنا اللي اسمي حتحـور .. أنا بنت رع مثـال الأمـومـة ورمـز الحـنـان تفـيض حـلمـاتي وتمـلا الـتـرع وتسـقـي البـشـر كلهـم والغـيـطان أنـا ربـة الحـب حتـحـور أنـا أنـا السيـدة المـنـجدة المـغـرميـن وكـم مـن محـب ف هـواه انـضـنى دعـاني وطيـبـت خـاطـره الحـزيـن أنـا طـيبـة انمـا طـبـعي صـعـب وديعـه .. ولـو ثـرت بـطشـي مـهـول ما اشـوفش اللي قدامي لو ألف شعب أدوسـهـم وتجـري دمـاهـم سيـول ويـوم رع ما فـات بسنـاه في السـما وكل العيـون خايفـة تنـظر اليـه وجـالـه القمـر خلقتـه معتـمة وعـدى قصـاده .. وضـلم عـليه يا ويـل الـلي فتـح في ابـويا العـظيم يا ويل من تطاول يا ويل من ضحك يا ويـلك يا مصـر مصيرك الـيم أنا اللي اسمي حتحور انا ح امسحك يحـاول يهـديني رع ما اسمـعـوش وادمـر واطـيـح في البلاد والعبـاد أنـا الـطيبـه .. كنت زي الوحـوش سفـكـت دماء البـنـات والـولاد دبـحت المحبـين في عـز القبـل هـدمت المعابد على المنشدين قلبت على النحـاتين الجبل حرقت الغيـطان هم والفلاحين لحد ما رع نـادى ع الآلهة وقال صـبوا في النهر كل النبيذ وشفت الميـاه حمرا ومزهزهة وظنيتها دم الضحايا الـلذيذ شربت انتقامـاً شربـت شربـت وأنا بالـعن المفتـري والغبـي وحبـة بحبـة عن الوعـي غبت ونمت على النيل في ضي أبي وقمت .. بكيت من فؤاد أم ثكلى ونهنهت فوق صدر مصر العريض على العالم المبدورين جنبي قتـلى وكان دمعي ينصب في النيـل يفيض واقول ليه يا مصـر ولادك كـده يا إمـا المذله يا يتـجبـروا يا خوفـي يا فـرحة قـلوب الـعدا ويا نـدمـي لو ما يتغيـروا ومن يـومها والنيـل في نفس المعاد يفيض كل عام قبل فصل الخـريف بلون حمرة الـدم يملا البلاد ويملا النسـأيـم بعـطر مخـيف بعطري أنا الـلي اسمي حتحور أنـا وعـطري مخـيف وحـنون وطـري يفـرح بس مـرة في كـل سنة ويهمس يا مصر اذكـري .. واحـذري نهايته يا مصر اللي كانت أصبحت وخلاص تمثال بديع وانفه في الطين غاص وناس من البدو شدوا عليه حبال الخيش والقرص رع العظيم بقى صاج خبيز للعيش وساق محارب قديم مبتورة ف أبو قرقاص ما تعرف اللي بترها سيف والا رصاص والا الخراب اللي صاب عقل البلد بالطيش قال ابن خلدون أمم متفسخة تعيش ليش وحصان صهل صحى جميع الجيش على اسم مصر حصان عرابي جميل حصان عرابي أصيل حصان عرابي رشيق ديله طويل يسهر مع الخيل طول الليل يتكلم ويقول أراء رغم إنه ماكانش متعلم ويقف في عابدين وياخذ زاوية البروفيل للرسامين يرسموه ونشوفه جيل ورا جيل ويعدي كالريح على المجاريح ويسلم وحافره ع الصخر في التل الكبير علم ولما صابه انفجار القنبلة اتالم على اسم مصر والمس حجارة الطوابي وادق بكعابي يرجع لي صوت الصدى يفكرني بعذابي يا ميت ندامة على أمة بلا جماهير ثورتها يعملها جيشها ومالها غيره نصير والشعب يرقص كأنه عجوز متصابي إنهض من القبر احكي القصة يا عرابي يطل لي رافع الطهطاوي م التصاوير شاحب ومجروح في قلبه وجرح قلبه خطير وعيونه مغرورقين بيصبوا دمع غزير على اسم مصر مالك سلامتك بتبكي ليه يا طهطاوي قال لك عرابي .. انكسر بسلاح أوروباوي وسلاح أوروبا ماهواش المدافع بس ده فكر ناقد مميز للثمين والغث قلناها ميت ألف مرة ألف مرة بصوت جهير داوي بس الحماقة لاليها طبيب ولا مداوي ولا حد م الخلق بالخطر اللي داخل حس الغفلانين اللي خلوا العقل صابه مس قالوا الخطر هو فكر أوروبا لو يندس على اسم مصر أحسنت في القول صحيح يا ولد يا متنبي جبت اللي جوه الفؤاد عن مصر متعبى وحكمت بالعدل لكن بعضنا انظلموا " يا أمة ضحكت من جهلها الأمم " العلم كان عندنا من صغره متربي لكنه هاجر وعدى البحر متخبي لما الإيران هجموا ثم اليونان هجموا ثم الرومان دمروا ثم التتار هدموا ثم الجميع كل واحد جه مسح قدمه على اسم مصر أيها الديك رفيع الموضع يا صفيحاً فوق مسمار يدور صف لنا فعل الرياح الأربع قل لنا .. لو كنت تدري ما يدور قال صه . فالآن ريح الشرق جاءت تحمل الضوضاء من سوق المزاد وتغني دون لحن كيف شاءت أنا ريح الشرق أدعى شهرزاد أنا أحكي ثم أحكي ثم أحكي وأمامي السيف كالعشب يميل وبكائي يتساوى مع ضحكي طالما كان بأسلوب جميل ثم ها قد أرسل الغرب رياحه تزكم الأنف برائحة عجب وتغني كبغى في مناحة أنا ريح الغرب لوني كالذهب أنا صفراء برمل الصحراء أدفن الخضرة تحتي دون رحمه أوصدوا الباب بوجهي الحقراء حسنا فلتصبح القرية فخمة ثم ها قد اقبلت ريح الجنوب بدخان الدهن تسري عابقة وتغني انني أدعي الهبوب أنا سوداء كبئر المشنقة أنا سوداء كأفعى هائلة كرماد النوم ينثر في العيون كالعرايا في المروج الموحلة سعداء .. تعساء ..يرقصون وتأنى برهة ديك الصفيح يلقط الأنفاس وهو يترنح دائراً دورته مع كل ريح وأخيراً صاح كالأسد المجنح هللويا ..أقبلت ريح الشمال في غلالات رقاق راعشه وهي تشدو بحنو ودلال ها أنا ريح الشمال المنعشة إنني وردية مثل العسل ديدمونا .. هكذا يدعونني قد عبرت البحر يحدوني الأمل لعطيل أسمر .. يخنقني ! ومضى ديك الرياح في دعه من يمين ليسار يتذبذب وبدا اضحوكة وإمعه وهو مصلوب شهيد يتعذب وعلى رأي المثل الديك الصفيح بيدوخ ويا الريح والديك الصفيح م البيضه بيصيح ويقول بالصريح الفكر فوق في الشمال يا الله الحقوه يا ولاد لحقوه ولاد من ولاد الأغنيا الأسياد وهم راجعين رموه في الباخرة في البحر ونزلوا حكموا في ظل الانجليز والقصر ومصر في الشمس بتغربل كلام منعاد عن ابن بنت ابن حنت وطارق ابن زياد والانجليز راضية بالخطباء وخطب الفخر خطيب يهز الرؤوس وخطيب يهز الخصر وخطيب يموت موتة الأبطال قتيل القهر على اسم مصر والانجليز معجبين بمراسم التأبين مات مصطفى كامل اتملت البلد صواوين والمشرقين شوقي جابهم لجل يبكوا عليه آه لو عرف هم إيه دلوقت وبقم إيه المشرق الأولاني هو شعب الصين هزم التخلف بتنظيم اشتراكي رصين تنظيم يروح اللومان على طول كده برجليه والمشرق التاني ينحط الحديد في إيديه مليون شهيد يعني ثورة تخض شوقي بيه على اسم مصر هل مصر موميا جميلة صورتها فوق النعش يعشقها مجنون ينادي عليها ولا تطلعش هل مصر نار صفصفت والنفخ فيها محال والأرض نشعت على رمادها استحال أوصال سألت أنا الرافعي كان عجٌز ولا بيسمعش لكن عينيه كانوا يحكولي قصص ما اشبعش يقولولي ماتخافش مصر بخير وعال العال مصر الجبرتي ومصر الرافعي حال غير الحال انظر محمد فريد أعظم وأرقى مثال على اسم مصر خذ الكتاب في يمينك وانظر الترقيم عند المحبة وعند الموت في حرف الميم تلقى محمد فريد بينهم مقيم ع العهد وتلقى وجهه المدوٌر زي قرص الشهد مليان حماسة وكياسة وجدعنه وتصميم على إيه مصمم؟ .. يسهٌم زي كل زعيم ويقول على الثورة اللي وأدوا ثورته في المهد أنا بابني في السر شيء صعب المنال كالفهد على اسم مصر محلول مركز من السكر في كباية وف قلبه خيط يتلضم حباية حبايه سكر نبات بللورات الماظ بتضوي ضي وتفضل الألماظات تكبر شوي شوي لحد ما العقد يبقى في الجمال غايه ده الحزب في الشعب نضرب به المثل آيه الصلب والسايل الاثنين سوا ياخي تنظيم محمد فريد في كل قريه وحيٌ بللوره بتشع بالثورة اللي يومها جيٌ على اسم مصر العقد الماظ ورقبة مصر لايقاله ضيٌع فريد كل أرضه عليه وأمواله وفجأة حاكموه ويالله نفوه عن الأوطان وحرب عالمية أولى ووفد م الأعيان وثورة والانجليز انحطوا وانشالوا مين اللي نظٌم فلول الشعب ده بحاله ازاي جميع البلاد تنهض في نفس الآن القاهرة اسكندرية منفلوط اسوان وبعيد يا ولداه فريد مرمي وحيد شرقان على اسم مصر السيمفونية اسمها الثورة على المحتل سنة تسعتاشر اتعزفت في كل محل تأليف محمد فريد ألفها من سنوات وكتب لها النوتة بوق وبيانو وكمنجات عزفوها من غير قيادته وجمعهم ما اختل غير وقت صرف الأجور لما النفر ينذل من وقتها وغلوشت نغمات على نغمات وسعد زغلول زعيم مشغول في الانتخابات يخطب ويضرب يابده يطبع البصمات على اسم مصر وف أوضة عريانة فيها كل شيء بردان رقد فريد وحده بالحمى والهـذيان وقام وقف ع السرير في تلج المانيا ينده يا مصر اسمعي اللي مفاق الدنيا ووصيتي الثورة لاشتراكية والبنيان ثورة بحق وحقيق مش حركة م الأعيان ماتغمضوش عن وحوش الغرب ولا ثانية ح تروح وحوش لنجليز تطلع وحوش تانية وسقط ونطق الشهادة ونظرته الحانية على اسم مصر أنا الذي مشيت ادوٌر باشتياق وحنين على مصر .. والمشي خدني من سنين لسنين لحد ماسنيـنهـا وسنـيني بقم واحد وعاصرتها يوم بيوم لم فاتني يوم واحد وحضرت شاهد عيان مولد وموت ملايين مازعلت من كلمة قد البركة في الجايين مين هم دول يا جدع .. ما توحد الواحد البركة فينا وفي السامعين بالواحد أنا قلتها بنرفزة .. من غيرة الواحد على اسم مصر مصر الرمال العتيقة وصهدها الجبار والنيل كخرطوم حريقه وحيد في وسط النار في إيدين بشر نمل رايحه وجاية ع الضفة فيهم مطافي وفيهم كدابين زفة وفيهم اللي تعالى وقال أنا حكمدار وكل باب م البيبان مقفول على اسرار وكل سر بحريقة عايزة تتطفا من أهلي تندهلي وتقوللي تعا اتدفا أنا اللي عمري انكتب إلى يوم ما اتوفى على اسم مصر على اسم مصر ارفعوا الانخاب واملولي شدوا الوتر ع القمر يا شباب وغنولي نسكر على حبها بالفن والاحساس نسكر ودمع الحماس يملا لنا تاني الكاس احنا يا حلوه الفدا بس اطلبي وقولي يا سمره بعيون كده وسنتك لولي وغنوه الحب تعلا ويسمعوا الحراس يصفروا ويحضروا بفرقة طبول ونحاس ويتقفل سجن مصر امام عيون الناس على اسم مصر والمطبعة تدور وتخطف كل إيد منشور عيش لسة م الفرن طالع ريحته ريحة النور يا فلاحين يا جنود يا طلبة يا عمال عدوكم حلف لاستعمار ورأس المال عاش الطريق لشتراكي قوم يا شعب وثور وحكمكم حكم اقطاعي عميل مأجور عاش الكفاح بالسلاح إلى القنال يا رجال خلوا حياه لنجليز المستقرة محال والشمس نامت ليلتها وفكرها شغال على اسم مصر القاهرة في اكتئاب والأنس عنها غاب من عتمة تدخل لعتمة كأنها ف سرداب أو قرية مرمي عليا ضل هجانة الحظر م المغربية بأمر مولانا ومصر في الليل بتولد والبوليس ع الباب صبية ولاٌدة يابا ولحمها جلاب طلع الصباح زغرطت في السكة فرحانه على كتفها مولودتها لسه عريانه وف لحظة كانت جميع الدنيا دريانة على اسم مصر على كتفها مولودتها وتجري وتنادي ياولادي من يوم ميلاد الأرض ياولادي ينهض لها امحتب بدواه يقويها وبنتاؤر ينشد الاشعار يهنيها وسعد زغلول يكح يزلزل الوادي وعرابي يهمس ومصر ترد بتمادي تقوله آه برضه ثورة جيش وح احميها بالدم بالروح بكل حياتي ح افديها اما الأسامي معنديش غير اسمها على اسم مصر مولودة كبرت وشبت في تلات تيام من هبة هبت .. لثورة لبت الاحلام والعرش عام راح ايطاليا بعيد ورا البراميل يا هلترى دي حقيقة والا وهم جميل ومصر من إمتى كانت حظها بسام ظهر قميص العرق متشمر الاكمام أنا شفته عقلي برق وبدأ لصاحبه يميل نقشت له ف قلبي احلى وأروع التماثيل بدراعي والمطرقة وبإيدي والأزميل على اسم مصر . الدرس انتهيالدرس انتهى الدرس انتهى لموا الكراريس بالدم اللى على ورقهم سـال فى قصـر الأمم المتــحدة مسـابقة لرسـوم الأطـفال ايه رأيك فى البقع الحمـرا يا ضمير العالم يا عزيزى دى لطفـلة مصرية وسمرا كانت من أشـطر تلاميذى دمها راسم زهرة راسم رايـة ثورة راسم وجه مؤامرة راسم خلق جباره راسم نـار راسم عار ع الصهيونية والاستعمار والدنيا اللى عليهم صابرة وساكته على فعل الأباليس الدرس انتـهى لموا الكراريس .. ايه رأى رجـال الفكر الحر فى الفكرادى المنقوشة بالدم من طفل فقير مولود فى المر لكن كان حلو ضحوك الفـم دم الطـفل الفـلاح راسم شمس الصباح راسم شـجرة تفاح فى جناين الاصلاح راسم تمساح بألف جناح فى دنيا مليانة بالأشبـاح لكنـها قلـبها مرتــاح وساكتة على فعل الأباليس الدرس انتـهى لموا الكراريس … ايه رأيك يا شعب يا عربى ايه رأيك يا شعب الأحـرار دم الأطـفال جايلك يحـبى يقول انتـقموا من الأشـرار ويسيل ع الأوراق يتهجى الأسـماء ويطـالب الآبـاء بالثـأر للأبـناء ويرسم سيف يهد الزيـف ويلمع لمعة شمـس الصيف فى دنيا فيها النور بقى طيف وساكتة على فعل الأباليـس الدرس انتهى لموا الكراريس May 25 احمد فؤاد نجمموال الفول و اللحمة :
الحمد لله الحمد لله خبطنا تحت بطاطنا النقطة : الخواجة الأمركاني الخواجة الأمركاني و السماسرة اللي وراه تخنوا بالكذب ودنه و عرضوله مقاس قفاه فهموه من غير ما يفهم ان سوق الشرق مغنم و الخواجة بطبعه مغشم و المصاري معفرتاه حب يعمل فيها تاجر
و يطلق يسلب و ينهب ف الزباين بالنهار يحدف الدولار يلمه تلتميت مليون دولار بالقزايز و البنات باللبان و البومبونات بالمدافع و الدانات أو بأفلام الرعات قول بقى تاجر و فاجر
و انفلت لص المواشي رعب ماشي ف البلاد يشفط البترول و يطرش كل ألوان الفساد عزرائيل من غير فرامل يقلب العرسان أرامل حتى ف بطون الحوامل كان يدبح الحياة بالسناكي و الخناجر
و النهاية يا خواجة من ف يوم كانت بداية ؟ البداية برضه لازم بيجي يوم توصل نهاية مهما زاد الرأسمال الهلاك هو المآل و التاريخ هو اللي قال لعبت الموت ف الحيات يسحب الروح ف الحناجر
ملعون أبوك .. ابن كلب خاين .. يا صوت أميركا .. يا أمريكان رجعوا التلامذة للجد تاني رباعيات عمكو صلاح جاهينعجبي عليك, عجبي عليك يا زمن يا ابو البدع يا مبكي عيني دما ازاي انا اختار لروحي طريق وانا اللي داخل في الحياه مرغما عجبي000
خرج ابن ادم م العدم قلت : ياه رجع ابن ادم للعدم قلت:ياه تراب بيحا00 وحي بيصير تراب الاصل هوا الموت والا الحياه؟ عجبي!!
بحر الحياه مليان بغرقي الحياه صرخت خش الموج في حلقي ملاه قارب نجاه !00 صرخت قالو مفيش غير بس هوا لحب قارب نجاه0 عجبي!!
يا عندليب ما تخافش من غنوتك قول شكوتك واحكي علي بلوتك الغنوه من ح تموتك انما كتم الغنا هوا اللي ح يموتك عجبي !
ايه اللي خدته من مرور السنين ياقلبي الا دمعتك والانين بتئن وبتفرح وترجع تحن مع ان مش كل البشر فرحانين عجبي !!
عبثا باقول واقرا في سوره عبس ماتلومش حد ان ابتسم او عبس فيه ناس تقول الهزل يطلع جد وناس تقول الجد يطلع عبث عجبي !!
قالو ابن ادم روح وبدنه كفن قالو لآ بدن0 قالو لآ ده روح في بدن رفرف فؤادي مع الرايات في الهوا انا قلت لآ روح في بدن وطن عجبي !! مقوله
فاذا نظرت فلا اري الا له واذا حضرت فلا اري الا معه |
|
|
